منة شلبي: «أمي زقتني على التمثيل»
قالت الفنانة منة شلبى، إنه لا يوجد رفاهية في التمثيل، موضحة «كل الأعمال لها حاجة مرئية والممثل بيجيب معلومات ويستحضر وعي يبقى عارف نفسه والآخر، وبيدخل معلومات وأحاسيس للشخصية اللي بيجسدها علشان تطلع الشغلانة بس بتقفش بقى في نفسك ممكن تلاقي نفسك قاعد تعيط دون سبب».
وأضافت خلال لقائها ببرنامج «باب الخلق » تقديم الإعلامي محمود سعد المذاع على فضائية «النهار»: « التمثيل حقق لي متعة وألم، وانا ما اكتشفتش موهبة التمثيل في نفسي لكن أمي اللي زقتني في المجال».
وأوضحت «الأدوار الصعبة بتعقدني شوية، مفيش ممثل كويس لوحده في مخرج لازم يديره يطلع منه حاجة مايعرفهاش في نفسه ودا حصلي مع شخصيات زي دوري في مسلسل حارة اليهود، وكل ما تزيد شهرة الحاجات بتصعب عليك أكثر».
