افرض جدلًا !!

إنك نازل من محطة المترو لابيك ولاعليك وفجأة لاقيت واحد طول بعرض ما شاء الله، وجاى يجرى عليك وحاولت تقنع نفسك انك ما عملتش غلط هتجرى ليه، لكن للأمانة الركب بتخبط فى بعض لدرجة ان من الممكن يكون سمعها كل ركاب المترو وصل عندك وأخدك فى حضنة وهات يا أحضان وسلامات وقبلات، وازيك يا غالى ويطلعك من حضنه ويرجعك تانى وإيده شغالة هبد ورزع على ضهرك لما حسيت ان ضهرك اتقسم، وانت الابتسامة الحاجة الوحيدة اللى قادر عليها وهات يا ضرب وأحضان، ويخرب عقلك ليك وحشة الله انت فين وها ها ها..
وتحاول انك تفتكره مستحيل تعرف الجبل ده مش ممكن تكدب نفسك يمكن أخد علاج وربنا كرمه، واشتغل عليا رزع وضرب لما قال يابس بروضه مش راكب مش شغال خالص وهو هات ياضحك فاكر لا مش معقول زى ما انت تحاول تتكلم وتفهمه انه أكيد غلطان وده أبدا تحاول معاه برضه مفيش فايدة وكل شوية ياخدك فى حضنه ويضمك قوى وتحس ان ضلوعك اتكسرت وهو ولا حاسس وفجأة رن موبايله ويتوقف على الكلام والضحك ويبص لك جامد ويجيلك شعور غريب انك ارتكبت جريمة خطيرة، على الرغم من أنك لم تنطق بكلمة وبعد ما يخلص كلام يمسك يدك ويضغط عليها جامد ليه ما قلتش انك مش صاحبى ليه ويزعل قوى منك ويطلب منك الاعتذار عشان ضيعت وقته فى حاجة هايفة.
لو انت مكانى تعمل إيه ؟!