خالد الجندى: «أقسم بالله في ناس بتاخد عمرة وحج ومقابر رشوة»

أبدى الشيخ خالد الجندي، عضو المجلس الأعلى للشئون الإسلامية، تعجبه من تصرفات ما وصفهم بمدعين الورع والتقوى، قائلا: "أقسم بالله في ناس بتاخد عمرة وحج ومقابر رشوة".

وتابع خلال حلقة برنامجه "لعلهم يفقهون" على فضائية "dmc": "والله العظيم في ناس بتاخد مقابر رشوة، بيختار المكان اللي من جهنم اللى هيدفن فيه، عندنا ناس وحشين بس دمهم خفيف، يعنى تلاقى الحرامى طالع يسرق وبيقول ربنا يستر، وعندنا رقاصة تقرأ الفاتحة قبل النمرة بتاعتها، وناس ورعين بياخدوا حج وعمرة وقبور رشوة".

واستطرد ساخرا: "دول إما ناس هبل أو مجانين، يعنى قبر حرام، ورايح حج وعمرة، برشوة".