محمود فتحي يكتب.. سكت خالص
![فيتو](images/no.jpg)
سكت خالص اتكلمى
ابكى يلا ومثلى
دمعيلك دمعتين
واكدبيلك كدبتين
امسكى المصحف كمان
واحلفى ع الميتين
متفكريش بعد اللى شفته
إنى ممكن اصدقك
الحكايه خلصت خلاص
كان غباء إنى اعشقك
كنت طيب صحيح وساذج
ليكى حق تستغفلينى
بس بردو مهما كان
مش لدرجة أن تخونينى
كنت بعدى كتير علشان
نفسي نكون مع بعض زمان
وانتى الغدر بيجرى فدمك
والخيانة عندك إدمان
أنا سايبك ومسحت ماضيكى
مش هرجع ولا أفكر فيكي
لو مش عيبه في حقى بجد
كنت بكل ما فيا أئذيكي
عملت كل شئ يرضيكى
عملتى اللى ميتعملش معايا
وبدال متصونى العشره مابنا
لأ جرحتى وخونتى هوايا
أنا مش هطاطى وبعدى عنك آخر قرار
وبلاش تحايلى فيا تانى خلص الحوار
سكت خالص