عمرو أديب عن ضبط حفيد البنا: كان بيغتصب البنات باسم الدين
علق الإعلامي عمرو أديب، على قرار السلطات الفرنسية بتوقيف طارق رمضان حفيد حسن البنا مؤسس جماعة الإخوان، على خلفية اتهامه في وقائع اغتصاب عديدة، قائلا: «أخيرا الشرطة الفرنسية قررت تقبض على حفيد حسن البنا.. أخيرا حد استجرى يقبض على حد من ريحة المرحوم.. بيغتصب الناس بالدين».
وسخر أديب خلال تقديمه برنامج «كل يوم» المذاع على فضائية «أون أي» قائلا: «إن قطر قالت لحفيد البنا "لا أنت ابني ولا أعرفك".. مش عيب.. ده كلام يا قطر الراجل المحترم حفيد حسن البنا».
وتابع: «حفيد حسن البنا لما كان ييجي يهجم على طالبة من طالباته يقول لها: تتحجبى ولا أغتصبك.. شايفين الاختيار.. انتوا عارفين كانوا بيختاروا إيه».
وأردف: «الراجل كان بيستخدم الدين في فعل الفاحشة، يعنى كان بيحاول يقنع الطالبة بالدين.. وده بقى لا اللى ألفته ولا معرفش جاية منين.. ده السيد المحترم حفيد حسن البنا.. كمية السيدات والطالبات اللى اغتصبها في الجامعات لا متناهية.. والإخوان جمعوا فلوس علشان يطلعوه ومش بعيد يكونوا ناويين يدفعوا تعويضات للضحايا بالملايين علشان يطلع.. ده حفيد الشهيد.. حسن البنا».
