عبد الحكيم عبد الناصر: وفاة الزعيم كانت مفاجأة محدش متخيلها

قال المهندس عبد الحكيم جمال عبد الناصر، نجل الرئيس الراحل جمال عبد الناصر: «لو كان عبد الناصر عاش لفترة أطول كانت المنطقة العربية كلها هتتغير، وهتختلف طريقة التعامل مع الأمريكان بعد الحرب وكان هيبقى في حل للمشكلة الفلسطينية أو الصراع العربي الإسرائيلي».

وأردف خلال لقائه ببرنامج «هنا العاصمة» تقديم الإعلامية لميس الحديدي المذاع على فضائية «cbc» بمناسبة الاحتفال بمئوية الزعيم الراحل: «أشعر طوال الوقت أني أفتقده، مات وأنا في السادسة عشرة من عمري، وكان موته مفاجأة ماكنش حد متخيلها، حتى الآن لما أتخيل إنه مات وهو أصغر من سني حاليا بعشر سنين، بقول طب كان آخد العشر سنين دول».

وتابع: «أوضة والدي فضلت على حالتها لمدة 10 سنين، كانت بتتنضف لكن كل حاجة فيها في مكانها حتى الجرايد وترتيبها، وأنا الوحيد من إخواتي اللي اتولدت في بيت المنشية».