مواطنة أمام مستشفى النصر لـ«الإرهابيين»: «مش هتبعدونا عن الكنيسة» (فيديو)

دخلت سيدتان، منذ قليل، أمام مستشفى النصر بحلوان، في نوبة بكاء على شهداء ومصابي حادث كنيسة مارمينا الإرهابي، معبرتان عن غضبهما من تكرار حوادث الهجوم على الكنائس.

وقالت إحداهن: "الناس اللي بتصلي في الجامع وموتوهم ذنبهم إيه واللي بيصلوا في الكنيسة وموتوهم ذنبهم إيه؟ بيعملوا فينا كده ليه، اللي بيتفزع من الصلاة هو الشيطان ودول مش بني آدمين دول شياطين.. بيعملوا كده عشان يبعدونا عن الكنيسة مش هنبعد ويارب كلنا نبقا شهدا يعملوا اللي يعملوه مش هايفزعونا".

وتابعت: "بتقتلونا عشان بنحب البلد؟ أيوه بنحب البلد وكلنا هنضحي علشان البلد".

وقالت أخرى: "ليه كل عيد نشوف الدم ليه؟.. إحنا عايشين مسالمين واللي بيضربنا بنقوله شكرا عشان المؤمن هو اللي بيقول شكرا، والكافر هو اللي بيموت الناس".

وكانت كنيسة مارمينا بحلوان تعرضت لهجوم إرهابي، صباح اليوم الجمعة، حيث أطلق مسلحان النار على القوات المتواجدة بالمنطقة ما أدى إلى استشهاد 10 أشخاص، وإصابة 5 آخرين.

وتمكنت قوات الشرطة من تصفية أحد الإرهابيين وضبط الثاني بعد مطاردته، إضافة إلى تفكيك عبوتين ناسفتين بمحيط الكنيسة، وحزام ناسف بحوزة أحد الإرهابيين.