أطرف الردود على «موقف حصلك مع نصابين» (فيديو)
تتجدد حيل النصب، فكلما عرفها الناس وأخدوا حذرهم منها، ابتدع هؤلاء المحتالين حيلا أخرى للسرقة ونهب أموال الناس بالباطل، إذ يتعرض البعض لمحاولات السرقة في سيارات النقل العام والمترو وفي المحال وعلي المقاهي وحتى الشوارع.
سألت "فيتو" الشباب عن "موقف حصلك مع نصابين "، وجاءت الردود كالتالي:
قال أحد المواطنين: "واحدة متزوجة نصبت عليا، وقالت إنها مطلقة واتجوزتها، بعد الجواز اكتشفت إنها لسة على ذمة جوزها الأول، رفعت قضية عليها"، مضيفا: "دا مش نصب دا قلة دين".
وذكر آخر: "كنت مع صاحبتي عند ماك، وولد متسول فضل ماشي ورايا لما أخد جنيه، وقالي هات تاني كان عايز يكمل الخمسة جنيه".
واستطرد آخر: "كنت ماشي في التحرير ولقيت واحد ماشي ورايا وبيقولي يا أستاذ الفلوس دي وقعت منك، فبطلع المحفظة وببص فيها، لقيته بيخدها وبيقلي كان معاك صحيح ولا فكة وأنا أمنتله الصراحة، ولما أخدت منه المحفظة ومشيت ببص فيها ملقتش الفلوس اللي كانت فيها".
