هيدي كرم لمنفذي حادث مسجد الروضة: «ربنا يحرقكوا»
وجهت الفنانة هيدي كرم، رسالة غاضبة لمنفذي حادث مسجد الروضة غرب مدينة العريش، وذلك من خلال حسابها الشخصي على موقع التواصل "إنستجرام".
وكتبت "هيدي"، "ربنا يحرقكم زي ما بتحرقوا قلوبنا على أهلنا!!!!... أنتم مش ممكن تكونوا بشر.. بتقتلوا أرواح بريئة وأطفال طاهرة بمنتهى البرود والقسوة... إزاي بيتم غسيل العقول بهذه الطريقة؟!! إزاي بيتم قتل الإنسانية فيهم وتحويلهم إلى وحوش بكل معاني الكلمة؟؟؟!!!! ربنا يحرقكم...يا رب صبرنا.... تخيلوا أم محضرة الفطار ومستنية جوزها وولادها يرجعوا من الصلاة علشان يفطروا يوم الجمعة كلهم مع بعض.. بدل ما تفطرهم تلاقي نفسها بتدفنهم وبتدفن معاهم كل أحلامها ومستقبلها وسعادتها... خسرت في لحظة واحدة كل حاجة.. خسرت الزوج والأولاد اللي كان نفسها تشوفهم رجالة وتفرح بيهم خسرت العيلة والحب والمستقبل خسرت الحياة كلها... وبتتمنى تندفن معاهم... ماتوا هما وفضلت هي للعذاب للوجع للحزن للوحدة...ايه ده....في كده... بجد مافيش كلمات توصف بشاعتهم".
كان إرهابيون استهدفوا مسجد الروضة غرب مدينة العريش، أثناء أداء المصلين صلاة الجمعة، وأعلنت رئاسة الجمهورية حالة الحداد لمدة 3 أيام، ووصل عدد شهداء الحادث، إلى 235 شهيدا، وأصيب 109.
