ميرهان حسين تتعرض لأزمة صحية
تعرضت الفنانة ميرهان حسين لأزمة صحية، ونشرت صورة لها عبر حسابها على موقع الصور والفيديوهات الشهير "إنستجرام" علقت عليها قائلة: "أولًا الحمدلله على كل شيء ثانيًا أنا عايزة أقول إن الصور أو الفيديوهات اللي فيها مظاهر سعادة مش معناها إن الحياة كلها ضحك وفرح".
وتابعت "ومش معنى إن السوشيال ميديا وسيلة تواصل بين الناس إن اللي بيتعرض فيها هو كل جوانب حياة أي حد ده جزء بسيط منها وأنا شخصيًّا كنت بختار أعرض جوانب إيجابية من حياتي ولقطات فرح ما هي إلا مجرد جزء من أيامي زي أي إنسان بيعدي عليه وقت حلو ووقت وحش فرح وحزن ومشكلات مرض ويأس ونجاح".
وأضافت "محدش مبسوط علطول ولا حد حزين علطول وللناس اللي بتشوف الأمور بسطحية بقول كلنا بشر بنعيش بمشاكلنا وبنتعايش وساعات كتير الضحكة بتخبي دمعة والمظاهر خداعة".
يذكر أن آخر أعمال ميرهان السينمائية كان فيلم "دعدوش" وعرض ضمن سباق أفلام عيد الأضحى الماضي والفيلم من بطولة هشام إسماعيل، وياسر الطوبجي، وبدرية طلبة، وإيمان سيد، ومن تأليف ساهر الأسيوطي، وإخراج عبد العزيز حشاد.
