مشادة بين عمرو أديب ورجاء الجداوي في مشهد تمثيلي للخلافات الزوجية
في مشهد تمثيلي دخل الإعلامي عمرو أديب، والفنانة رجاء الجداوي في مشادة كلامية على الهواء؛ لتقليد الخلافات الزوجية وترك الأزواج المنزل.
ووجه الإعلامي خلال برنامج «كل يوم» المذاع على فضائية «أون إي»، حديثه للفنانة قائلا: «البيت ده أنا اللي جايبه وأنا اللي متجوزك أخرج وأرجع وقت ما أنا عايز، وبعدين السؤال المهم اللي أنت مش بتسأليه: هو إيه اللي خلاني أهج من البيت؟»، فقالت الفنانة: «رد فعلك، وأنت راجع من شغلك ومركب الوش الخشب، وتقولي استني الوقت المناسب، ومش عايز تتكلم معايا وبعدين كل ما أجي أفتح معاك موضوعا ترزع الباب وتخرج».
وتابع «أديب»: «هو ليه أنا نزلت من البيت هو ليه الراجل رزع الباب، وبعدين دايما يقولك إيه: مترزعش الباب، أمال أبقى غضبان إزاي؟.. لازم أرزع الباب».
