بالصور.. مصري يواجه أغرب تهمة بسبب كيس بلاستيك

شارك الشاب "أحمد عبد القادر" عبر موقع فيس بوك، منشورا غريبا بعدما كاد يدخل السجن بسبب حيازة كيس بلاستيك خلال زيارته إلى كينيا.

قال عبد القادر:"واقف في الشارع زي أي مواطن عادي في كينيا وباطلع إزازة المية أشرب منها كنت حاططها في كيس بلاستيك علشان متغرقش الشنطة يعني لقيت ظابط جالي وبيتكلم كلام غريب وبيزعق وبيشاور على الإزازة بتاعة المية وأنا مش فاهم حاجة من كلامه... فكرته عطشان باديله الإزازة يشرب لقيته شد الإزازة بالكيس وعاوز يشدني."

ولحسن حظه، ساعده رجل في الترجمة وتحدث مع الضابط، وشرح له أن الأكياس البلاستيك ممنوعة في كينيا، وسمح له الضابط بالذهاب دون عقوبة بعدما تفهم موقفه.

وأوضح:"بعد كدة لما سألت ناس أعرفها هنا قالولي الأكياس البلاستيك ممنوعة هنا وعقوبة حمل أكياس بلاستيك 40 ألف دولار أو ٥ سنين سجن، لا أتسجن أحسن ولما حد يسألي أنت جاي في إيه أقوله كيس بلاستيك، ثم خدت بعضي ورحت اشتريت شوية أكياس قماش.. بس المشكلة أني معايا كمية أكياس بلاستيك تديني مؤبد."

وأشار عبد القادر لاهتمام كينيا بمنع الأكياس البلاستيكية للمحافظة على البيئة والحفاظ على حياة الحيوانات والنباتات، وضرورة اتباع نفس الأسلوب في مصر.