مجدي عبد الغني: «لما اتعادلنا قلت اللاعيبة دي متستاهلش تروح كاس العالم»
قال الكابتن مجدي عبد الغني: «لو كنت مكان محمد صلاح كنت هدخل الكورة كده على يميني سهلة مفيهاش صعوبة»، وأوضح أنه لم يتوقع أن يسير سيناريو المباراة كما حدث، وذلك خلال لقائه ببرنامج "معكم" مع الإعلامية منى الشاذلي.
وذكر أنه توقع أن تنتهي المباراة لصالح مصر منذ البداية، وبسهولة؛ لأن مستوى لاعبي المنتخب المصري مختلف والدوافع مختلفة أيضًا، خاصةً أن مصر كانت متصدرة والكونغو حصلت على نقطة واحدة فقط.
وتابع: «مكنتش متخيل أن لاعيبة بحجم اللاعيبة بتوعنا وعندهم مباريات دولية كتيرة جدًا، وتملى باصات غلط، وتتأخر بسبب الضغط العصبي، ولما تأخرنا في الاجوان كانت بالنسبة لي صعبة والسيناريو اختلف يعني احنا كنا جايين نطلع لكاس العالم، وهما كانوا جايين؛ لأنهم لازم يجوا مينفعش ينسحبوا فالدوافع كانت مختلفة».
وقال: «إن الهدف الذي تم إحرازه من الكونغو في وقت صادم بنهاية المباراة يعود لتقصير من لاعبي المنتخب، وكان موقف في منتهى الخطورة، وأضاف "لما اتعادلنا واستنينا قلت يبقى اللاعيبة دى متستاهلش تروح كاس العالم بقى؛ لأنهم محافظوش على النعمة اللى عندهم يعنى جات لهم واحد صفر المفروض يكتروها ويبقى جون واتنين وكانت فيه أخطاء كارثية دفاعية».
