نائب: طلبت لقاء وزير النقل قالولى مش هينفع يقابلك
طالب النائب عادل بدوى، عضو مجلس النواب، وزير النقل بالنظر على قطارات الصعيد وزيادة عددها وعدم تخفيضها.
جاء ذلك خلال كلمته بالجلسة العامة للبرلمان اليوم الثلاثاء، لمناقشة عدد من طلباترالاحاطة المتعلقة بمشكلات النقل.
وقال بدوى:"روحت للوزير قولتلهم عايز أعرض موضوع شخصى قالولى مش هيقدر يقابلك وقعدت مع نائب الوزير وعرفته إن القطارات الموجودة فيها مشكلات وعرضت أربع مقترحات منها إننا نحتاج قطار أولى عشان الطلبة، مينفعش تخفض عدد القطارات عشان تحل مشكلة الحوادث".
وأضاف: "انتوا قولتوا لا يمكن نلغى نص المقطورات، مش فاهم عشان تلغى الحوادث يعنى توقف القطورات، دا فشل، فيه طلبة بتروح مدارس وجامعات وتكدس غير عادى، طيب يا معالى الوزير استبشرنا بيك خير، هو فيه تنمية بدون طرق وطرق يعنى استثمارات".
