بالفيديو.. ساويرس عن تفوق مهرجان الجونة: «مش هنبخل على النجاح»
كشف رجل الأعمال المهندس نجيب ساويرس، مؤسس مهرجان الجونة السينمائي، عن ميزانية المهرجان، مداعبًا مدير المهرجان انتشال التميمي بحضور بشرى وعمرو منسي المدير التنفيذي: "هما عدوا الميزانية ومحترموهاش وموافقتي جت بعد ماكانت عدت".
وأضاف ساويرس خلال لقائه مع الإعلامية منى الشاذلي في برنامج "معكم" المذاع على فضائية CBC أن النجاح لا يقدر بثمن والفشل ثمنه غالٍ جدًا، قائلا: "طالما نجحنا يبقى مش مهم سؤال الميزانية لأن مكناش هنبخل على النجاح ده بأي حاجة مطلوبة ليه".
وواصل ساويرس: "قررنا أنا وعمرو منسي إننا مش هناخد فلوس من أي حد بره مجموعات شركاتنا علشان نقدر نحط المهرجان في المستوى المظبوط وبعد نجاح المهرجان تلقينا طلبات من شركات كبرى لرعايته".
وتابع: "دلوقتي نقدر نقول عشان تبقى راعي رئيسي لازم تدفع كذا".
