بالفيديو.. ياسمين صبري: «كنت بطلة جراند أوتيل وسبته بسبب محمد رمضان»
قالت الفنانة ياسمين صبرى خلال لقائها ببرنامج «صاحبة السعادة»، المذاع على فضائية «cbc»، إنها رشحت لبطولة مسلسل "جراند أوتيل" في البداية ووقعت عقد المسلسل، ورشحت بعدها من قبل الشركة المنتجة لمسلسل "الأسطورة" لتقوم بالبطولة مع النجم محمد رمضان فاعتذرت وقتها عن "جراند أوتيل".
وتابعت "محمد رمضان كلمنى بعدها ورحت قعدت معاه وانبهرت بشخصيته جدًا وحسيته نار ماشية على الأرض زى السفينة اللى بتمشى بالفحم والنار وقالى على الدور فعجبنى جدًا".
وذكرت أنها عادت مرة أخرى للشركة المنتجة لجراند أوتيل وأخبرتهم بترشيحها للأسطورة واشترطوا عليها التفرغ للدور، مضيفة "وأنا وقتها كنت عايزه ألم الأرضية بتاعت محمد رمضان كجمهور واللى مش هلاقيها في جراند أوتيل وطمعت وفكرت أعمل الاتنين لكن قالوا لى لازم حاجة واحدة بس".
وواصلت: "جيت حسبتها لقيت إن جراند أوتيل نفس طريقى فإيه الجديد وأنا بلم ناس علشان لما أعمل حاجه لوحدى الناس تكون عارفانى".
