سخرية على مواقع التواصل بعد وصول سكان مصر 104 ملايين.. مأمون: كلنا نتوه في شارع فيصل.. عمرو: أمال لو لقينا نأكل.. مراد: تصدقوا على قطر بكام مليون.. والكينج: ده الأساسي ولا بالاحتياطي

وعلقت منيرة أسامة :«104 ملايين نسمة.. مبروك.. عايزين عيال أكتر يا جماعة عشان نموت مخنوقين ونرتاح للأبد»، ورد خالد محمود :«العدد في الليمون».
وسخر مراد الحامي :«104 ملايين.. تصدقوا على قطر بكام مليون ع الأقل حتى تصبح دولة».

عمار يا مصر
وقال كمال علي: «التعداد وصل 104 ملايين نسمة.. عمار يا مصر»، وأضاف محمد صابر الكينج: «سكان مصر 104 ملايين.. ده الأساسي ولا بالاحتياطي».
وعلق طارق ميرغني :«ما يحسد المال إلا صحابه صلي على النبي»، وردت رشا الديب «السيراميك والبامبرز والمحمول بيجيب عقم بإمارة الـ١٠٤ مليون... أساطير».
وتابع طارق حسن :«صباح التعداد: 104 ملايين عدد سكان مصر، أما التفاصيل فبعضها مرعب وبعضها محزن».

يا مسهل
وقال سيد غريب: «تخيل كده لو مكنش الزواج في مصر زواج ديني ومفيش حرمانية دينية أو قانونية في الموضوع ده كان عددنا وصل كام مليون؟! حاليا إحنا 104 ملايين نسمة»، وأضافت هدى جاد: «هانت باقي مليون ونبقى 105 ملايين علشان الحسد... يا مسهل».

وعلق محمد عادل:«الناس مذهولة من إننا بقينا 104 ملايين نسمة.. يا جدعان إحنا 10% من سكان الصين عيب بقى»، وتابع محمد رمضان عياد :«زيادة التعداد.. كارثة إننا وصلنا 104 ملايين... الله ينور يا رجالة مصر هي دي الحاجة الوحيدة اللي عندكو فيها ضمير».
وردت علياء جاد :«التعداد السكاني لسنة.. 2013= 82 مليون.. التوقع لـ2017=93 مليون الواقع لـ2017= 104 ملايين 22 مليون في أربع سنين (انفجار سكاني هائل)».
وسخر أحمد السيد قائلًا: «أنا حضرت أفراح العيد اللي فات، بس ترفع عدد سكان مصر لـ5 ملايين يعني 104 ملايين ولسه الإنتاج الجديد منزلش».