سما المصري لمحمد رمضان: «الأسطورة تايه في الكفر يا رجالة»
![فيتو](images/no.jpg)
وجهت الفنانة الاستعراضية سما المصري رسالة للنجم محمد رمضان بعد أن ضل طريقه اليوم في مسقط رأسها محافظة الشرقية، وقالت عبر حسابها على موقع الصور والفيديوهات الشهير "إنستجرام": "الأسطورة تايه عندنا في الكفر يا رجالة، لا دا أنا آجي أوصلك بقى يا برنس.. أحبيبي يا أسطورة، الشرقية نورت يا حبيشة".
وتابعت: "بصراحة أنا مبسوطة منك عشان بتسدد الـ20 مليون جنيه بتوع الضرائب بعد ما كنت متهرب من سدادهم وأنا كنت زعلانة منك لكن خلاص أنت بتسدد برافو عليك كده أنت حبيبي وكفاءة دي مصر يا جميل وفلوس الغلابة محتاجين ليها أدي مصر وناسها دول ياما ادوك.
وأردفت: وعلى العموم أهل الشرقية أهل الكرم وبيحبوك ما تخفش لو تهت هناك هم أهلك وناسك وكرم الضيافة عندنا في بيتنا ولا يهمك، وأنت اللي جميل زي أهل الشرقية يا برنس".
وكان النجم محمد رمضان ضل الطريق اليوم أثناء توجهه للخدمة العسكرية، وذلك في محافظة الشرقية تحديدًا، ونشر فيديو له عبر حسابه على "إنستجرام"، ظهر فيه تجمع وتجمهر عدد من الأهالي والأطفال حوله أثناء مروره بسيارته الخاصة على الطريق، ورحبوا به وحرصوا على التقاط الصور معه، ووجه رمضان لهم التحية أيضًا في الفيديو.