بالصور.. أبرز تعليقات طلاب الجامعات على قرار تحية العلم

أثار تصريح وزير التعليم العالي، الدكتور خالد عبد الغفار، حول إقرار تحية العلم داخل الجامعات المصرية لزيادة الولاء والانتماء لدى شباب الجامعات وعدم الانخراط في الجماعات المتطرفة المحظورة، جدلًا واسعًا بين الطلاب على موقع التواصل الاجتماعي "فيس بوك" ما بين المؤيد والمعارض والساخر من ذلك القرار، وكانت تلك أبرز تعليقات الطلاب على القرار:

فقال أحمد سيد ساخرًا: "العميد هيقفلنا بالخرزانة على باب الكلية".

وأضافت إسراء محمد: "ويطلعونا للمدرجات بالدور سنة أولى من هنا بالراحة، سنة تانية تستنى لما أولى تطلع كمان دقيقتين، ثانية تطلع على المبنى اللي هناك ده، ونقضي اليوم كله في الكلام الأهبل ده والله أنتو ناس فاضية هو حل المشكلات بتاعت الجامعة كلها وملقاش غير ده".

وأكدت منى: "ممكن يتذنب لحد أول محاضرة ما تخلص مثلا، أو يلم الزبالة من حرم الجامعة".

وقالت أمل عبد الباسط: "وبعد الطابور الأمن مش هيدخل اللي اتأخر"، بينما تابعت تغريد بخيت ساخرة: "هو الطابور هيبدأ الساعة كام".

بينما داعبت عبير محمد صديقتها قائلة: "كده هنتقابل واحنا متذنبين كل يوم".