طارق شوقي ردًا على إهانة المعلمين: «حاسبوني على اللي بعمله مش اللي يتقال»
اعترضت إحدي المعلمات المتواجدات بمؤتمر «معلم»، طريق وزير التربية والتعليم طارق شوقي، أثناء خروجه من المؤتمر بعد انتهاء كلمته، طالبة منه التوقف لطرح سؤالها.
وأبدت المعلمة استياءها من تصريحات الوزير، حينما قال على المعلمين «نصهم حرامية»، مضيفة: «حضرتك قولت على المعلمين حرامية وأنا هقول الكلام دا لأني اتعودت أقول الصراحة، بالرغم أني معرفش الإجراء اللي هيتخذ ضدي دلوقتي؛ لو عايزين مصر تنهض لازم تهتم بالتعليم، واحنا متأكدين من دا، لكن كان كلام حضرتك فيه غصة في حلق المعلمين، أستسمحك تجاوب».
وأجاب الوزير قائلًا: «ما شتمك إلا من بلغك، ومش هعلق على كلام مؤسسة صحفية بتاكل عيش من كتابتها».
وأضاف شوقي :«اللي شتمك هو اللي قال كده، الراجل اللي قدامكم دا، هو اللي بيقول عملنا إيه للمعلمين، حاسبوني على اللي بعمله مش الحاجات اللي بتتقال، تسمعوا كلامنا وكلام الوزارة ولا أحد آخر، ومش هنعمل وسيط ولا لقاءات صحفية تاني»، ثم هتف المعلمون:«إحنا معاك لحد ما تحقق الحلم يا فندم».
يذكر أن وزارة التربية والتعليم والتعليم الفني، قد عقدت أول مؤتمر لمعلمى المدارس الحكومية في مصر، بحضور الدكتور طارق شوقى، وزير التربية والتعليم والتعليم الفنى، اليوم السبت، 9 سبتمبر بالجامعة الأمريكية بالتجمع الخامس.
