نشطاء «تويتر» يسترجعون ذكريات الزمن الجميل على هاشتاج «زمان كان حلو عشان».. جلال: الناس كانت بسيطة.. السيد: كان في راحة بال.. محمد: مكنش في سوشيال ميديا.. وسمر ساخرة: السكر كان رخي

دشن مستخدمو موقع التواصل الاجتماعي "تويتر" هاشتاجا بعنوان "زمان حلو عشان"، كنوع من استرجاع الذكريات الجميلة التي لن تتكرر مرة أخرى، وسط الكم التكنولوجي الهائل وانتشار مواقع التواصل الاجتماعي، فالحديث عن زمن الذكريات والأيام الجميلة لا ينتهي.

وتصدر الهاشتاج قائمة الموضوعات الأكثر والأعلى قراءة على موقع التدوينات الصغيرة "تويتر"، وسط تفاعل كبير من المغردين، وكانت تلك أبرز تعليقات النشطاء كالتالي:

الناس كانت بسيطة
غرد جلال قائلًا: "زمان حلو عشان الناس كانت حلوة وعلى نياتها، حتى في الإعلانات، الناس كانت بسيطة"، كما قام بنشر مجموعة من صور الإعلانات في فترة الثمانينيات والتسعينيات.

وجع دماغ
وقال محمود في تدوينة له قائلًا: "كل حاجة مكنش في وجع دماغ اليومين دول".

الخير
وأضاف مصطفى قائلًا: "زمان حلو عشان كان كل الناس تتمنى الخير لغيرها، كان فيه أخلاق، كنا أكبر مشاكلنا ممكن تتحل بمصاصة، كنا بنضحك بجد مبنعرفش ننافق ولا نخدع كنا نضاف".

راحة البال
وذكر السيد حجازى: "زمان حلو عشان كان في راحة بال".

وكتبت دينا موافي: "علشان كنا بنحس ببعض ووقتنا كان مع الناس اللي بنحبهم مش ورا الشاشات بنقضي وقتنا نسينا أننا نحس ببعض".

الهروب من المشكلات
وغرد سالمان قائلًا: "كل زمن ليه الحلو والوحش بتاعه فا اختراع زمان ده عشان نهرب من مشكلات دلوقتي".

السكر رخيص
وفي تدوينة ساخرة، قالت سمر يوسف: "زمان كان حلو عشان السكر كان رخيص".

الحنين والاشتياق
بينما أرجع عدد من النشطاء الحنين إلى الماضي بسبب ما فقدوه من أحبة، معبرين عن شوقهم الجارف لهم، فقال أحمد رمزي: "زمان كان حلو عشان والدي كان موجود معانا الله يرحمك يا والدي"، وفي تغريدة أخرى لأم خديجة قالت: "زمان كان حلو عشان كان فيه أغلى الناس بابا، ماما، أخويا".

السوشيال ميديا
بينما غرد محمد صبري قائلًا: "زمان كان حلو لما كانت القنوات تقفل الساعة 1 بليل وتفتح 7 الصبح"، وبينما ذكر محمد لاشين: "زمان كان حلو عشان كانت الدنيا بسيطة ومفيش نت ولا سوشيال ميديا".