أمير عيد: أم كلثوم وعبد الحليم مش مقدسين ولا فرض علينا
استنكر المطرب الشاب أمير عيد، عضو فريق «كايروكي»، الهجوم الذي تعرض له الفنان محمد رمضان، بعد تصريحاته عن أفلام إسماعيل ياسين.
وقال أمير في تغريدة عبر موقع «تويتر» :«الناس مقموصة من الفنان محمد رمضان بسبب تصريحاته ضد أفلام إسماعيل ياسين، أنا مش فاهم هو فيها ايه لو في حد عنده وجهه نظر ضد أفلام إسماعيل ياسين، وايه المشكله لو في حد مش بيحب ام كلثوم أو عبد الحليم هما مش مقدسين ولا هما فرض علينا ومش من الثوابت».
وأضاف «أمير» قائلًا :«في النهاية كل إنسان حر في رأيه مش لازم تفرضوا آرائكم على البشر وكفاية جو الترهيب بتاع ده وفلان خط أحمر وعلان خط أخضر وده الهضبة وده الكنج اكبروا بقي كده وبطلوا عياط وحاولوا تتعالجوا من الانسيكيوريتيز اللي عندكم، ملحوظة أخيرة أنا بحب إسماعيل ياسين وأم كلثوم وعبد الحليم جدًا وعمري ما شفت فيلم لمحمد رمضان».
