«احتمال» قصيدة لـ «بولا وجيه»

يجوز خايب
يجوز خايف
يجوز مش شايف
بس الأكيد بحبك
يجوز بعيد
يجوز بحب جديد
يجوز الفكر شريد
بس الاكيد راحتي جنبك
قولت هنسى
قولت هقسى
قولت بكرة تحلى
ولقيتني كل يوم بشتاق
ملعون أبوك يا فراق
ملعون البعد بتفاصيله
ملعون غروب شمسك بليله
ده أنا عاشق شروقك تملي
بعشق التركيز فيكي وبالمللي
أنا لسة فاكر أول لحظة
وكأنها كانت من ثانية
ايه اللي شقلب حالك
وخلاكي واحدة تانية؟!
يجوز عبطي ويجوز خوفك
يجوز وحدتك ولأني تملي عاوز اشوفك
يجوز احتمالات كتير
بس الأكيد أني مدمنك
ولا الاقي راحتي الا في قربك
يا ست الكل تحية طيبة وبعد
بكفاية فراق وبعد
وصدقي لما اقولك بجد
بحبك