بالفيديو.. أطرف ردود الشباب على «هتخرج فين في العيد»

تختلف مظاهر الاحتفال بالأعياد والمناسبات من شخص لآخر كل حسب طبيعة شخصيته ومزاجه في الاحتفال، وتزامنا مع حلول عيد الأضحى سألت "فيتو" الشباب: "كنت بتخرج فين زمان في العيد ودلوقت هتخرج فين؟"، وجاءت الإجابات كالتالي:

قالت إسراء: "بابا كان بيلففنا مصر كلها ولما كبرنا بقينا نسافر الساحل أو السخنة ونحضر الحفلات.

وأوضحت ميار: "كنا زمان بنروح الملاهي وبنقعد على النيل وبنسافر لقرايبنا، إنما دلوقت مفيش حاجة غير البيت"، وأجابت ياسمين قائلة: "أنا مش متعودة أخرج أوي في العيد بس السنة دي هنروح نصيف".

وعلق محمد قائلا: "زمان كنا بنروح الجناين، إنما دلوقت بنتفسح في السينمات والمولات".

وذكر أحمد: "زمان كنت بخرج في أماكن قريبة من البيت، ودلوقتى بروح المولات أو بسافر مصيف".

وأضافت منى: "الأول كنت بخرج أروح حديقة الحيوانات، ودلوقتي مبقتش بخرج كتير خلاص كبرنا".