بالفيديو.. أحمد يونس: «كنست الأرض في كنتاكي وبعت شرائط كاسيت»
قال المذيع أحمد يونس؛ إنه تعرض للطرد في بداية مسيرته بعد تخرجه من الجامعة، وبحثه عن عمل في قنوات النيل مع والده، وذلك لإيمانه بإمكانياته وقدراته وطلبه العمل دون تدريب في تلك القنوات، وجاء ذلك خلال لقائه ببرنامج "معكم"، مع الإعلامية منى الشاذلي.
وتابع: «قلت لهم ممكن أتنازل واشتغل في قناة النيل للأسرة والطفل، فانطردت أنا وبابا، يعنى كنت عايز اشتغل مذيع بمشجر كان لازم اتطرد»، وأوضح أنه قرر بعدها استكمال دراسته، وتحضير دراسات عليا، وعلم بالصدفة عن افتتاح إذاعة.
وذكر أنه عمل أثناء دراسته في "كنتاكي"، وتابع: "أخويا هو اللي قال لي لازم تشتغل بابا كتر خيره كدة، واشتغلت هناك، وكنت بكنس الأرض واشتغلت 3 أيام، ومفلحتش معاهم، وكان نفسى أترقى وأدخل المطبخ علشان الوجبات، واكتشفت أن فيه وجبة للى بيكنس برضه الحمد لله».
وأوضح أنه يعتز بتلك التجربة حتى الآن، ولا يخجل منها، وتعلم منها أنه لا يوجد عمل سيء أو عيب، وقال إنه عمل أيضًا في محل شرائط كاسيت، وأكد أنه كان ناجحا في عمله وقتها، ومعروف بين زبائن المحل، مضيفًا: «وقتها كان فيه سميرة سعيد عالبال وعلم قلبي وجرح تاني هي الفترة دي اللي اشتغلت فيها، وكنت محترف وناجح في شغلي وحبيته لدرجة إني كنت هطلب من بابا فلوس علشان أفتح محل».
