عزة عطا الله تكتب: قطر الغلابة

أهى موتة في الحياة
ح تقوللى إيه مروح
راكب قطر.. الغلابة
ح تعيد فين..وتفرح
وح تبكى ع اللى ماشى
معاهوش حق الجنيه
يدفع ورقة....تذاكر
ده القطر يا مصر مسرح
................................
باقى الباقى علينا
أسعارنا غالية موت
دى الدنيا لو تجينا
نلحق لون الورود
بالراحة يا نفَسى نفِسى
أرتاح من.. القيود
...............................
ح أتعلم منكَ يا صاحبى
في الجنة الحق ضمير
ما هو قلبى زى قلبكَ
يا طيب...... كل خير
ولا أي فساد ورشوة
نهب المسئول كتير
الناس هي الضحية
في قطر العيد كفنهم
ده مسافر قال وراجع
بياع مناديل ما بنهم