ابنة شهيد لـ«الإرهابيين»: «الشرطة والجيش زي الحفرة لما بيتاخد منهم بيزيدوا»
![الشهيد العميد ياسر](images/no.jpg)
ألقت (عليا ياسر الحديدى)، ابنة الشهيد العميد ياسر الحديدى، مفتش الأمن العام بجنوب وشمال سيناء، والذي استشهد في 8 مارس بمدينة العريش، قصيدة أمام الرئيس عبدالفتاح السيسي خلال احتفالية تخرج دفعة جديدة من طلاب كلية الشرطة.
قالت «عليا» إن والدها استشهد من أجل الدفاع عن مصر، معربة عن فخرها كونها ابنة الشهيد.
وذكرت: «كنت زعلانة يوم سفر بابا قبل استشهاده، وطلبت منه عدم السفر»، موضحة أن الشهيد قال لها: «أنا مسافر علشان أخلص بلدنا من الخونة والإرهابيين».
وتابعت :«كنت زعلانة لما جالنا خبر استشهاده، لكن اللى مصبرنى إن أنا عرفت يعنى إيه شهيد، يعنى بطل وحي يرزق في الجنة وحاسس بينا، واللى مصبرني ومصبر كل الناس إن كل الشهداء كانوا بيدافعوا عن بلدنا ويخلصونا من الإرهابيين».
وفى نهاية حديثها، وجهت رسالة للإرهابيين قائلة: «الشرطة والجيش زى الحفرة كل لما بيتاخد منهم بيزيدوا وهايفضلوا يدافعوا عن بلدهم لغاية لما يقضوا عليهم وعلى اللى بيساعدهم».