غضب طلاب «آثار القاهرة» بسبب القبض على زميلهم في أحداث الزمالك

سادت حالة من الغضب بين طلاب الفرقة الأولى بكلية الآثار جامعة القاهرة، بعد إلقاء القبض على زميلهم "مصطفى صبحي" أثناء حضوره مباراة الزمالك وأهلي طرابلس الأخيرة.

وحدثت بعض المشادات بين الجماهير وتدخل الأمن وألقي القبض على بعض مثيري الشغب، وقال أحد زملاء الطالب "مصطفى صبحي": "كان أكتر واحد فينا متحمس للماتش، واحنا مروحين حصلت أحداث الشغب، واتقبض عليه ومالوش ذنب".

وأضاف آخر: "خرجنا من بوابة 8 والظابط قالنا اجري يلا انت وهو فجرينا ومصطفى تاه مِننا وكنا قصاد بوابة 7 وشفناه ورايحين عليه وكان واقف معاه ظابط وفجأة اتنين شدوه ويقوله يا باشا مستني صحابي والله العظيم بس برضو خدو".

وتابع آخر: "مصطفى مالوش ضهر اللي اتاخدوا معاه خرجوا إنما هو مالوش حد إلا ربنا وخد 15 يوم على ذمة التحقيقات، والده دلوقت في المستشفى وتعبان ومش عارفين هيحصله إيه".