رسوب معظم طلاب علوم عين شمس في مادة الكيمياء
أعلنت كلية العلوم جامعة عين شمس، نتيجة الامتحانات لجميع الفرق الدراسية، وتوافد عدد من الطلاب على المكان، الذي تم تعليق النتائج به في الكلية، وسط حالة من القلق والاستياء من نتيجة بعض المواد؛ لرسوب عدد كبير من الطلاب، خاصة في مادة الكمياء الحيوية.
وقالت إحدى الطالبات: «معظم الطلاب في كل الأقسام واقعين في نفس المادة، خاصة سنة أولى؛ عشان ينزلوهم سمر كورس».
كما ذكرت إحدى أولياء الأمور المتواجدات بالكلية: «بنتي في سنة رابعة، وشايلة هي ومعظم سنة رابعة مادة الكيمياء العضوية، كلهم جايبين درجات حلوة في كل المواد، إلا المادة دي، كله شايلها، وروحت لرئيس الكنترول، قال: مش مشكلتي.. إحنا ضفنا شفوي وعملي، روحت لرئيس القسم، قالي: ارفعي قضية. إحنا عايزين حد يعيد التصحيح تاني، حرام سنة التخرج تقف على مادة واحدة».
وذكرت طالبة أخرى: «طلعنا للدكتورة في القسم، قالت لنا: إنتوا كده كده نجحتوا.. ادخلوا "السمر" وخلاص، حصلت قبل كده في قسم جيوفزياء، ونزلو درجاتهم، والطلاب هددوا إنهم هيصعدوا الموضوع، ويطلعوا للعميد، لكن ما حصلش حاجة برضه، وقليل أوي لو في نتيجة في الالتماس، المفروض إن وكيل الكلية ينظر فيها، لكن ما فيش أي حاجة بتحصل، أنا طالبة في رابعة».
