شاب ينقذ طفلا من الموت بمترو غمرة وانهيار عشرات الفتيات
تداول مستخدمو موقع التواصل الاجتماعي «فيس بوك»، مقطع فيديو تم التقاطه داخل محطة مترو غمرة، يرصد لحظة القبض على شاب داخل المحطة.
روى مينا صلاح، أحد شهود العيان على الواقعة ما حدث قائلًا: «الحكاية باختصار شديد.. أنا كنت راكب المترو وهو بيطلع من محطة غمرة سمعت صوت صراخ من واحدة في العربية اللي أنا موجود فيها.. كسرت الإنذار، وفي شاب تاني كسر الزجاج، فعرفنا إن الشاب أنقذ طفل صغير لما الباب قفل عليه وكان هينزلق».
وأضاف: «فجأة المترو وقف والشرطة جات عايزة تقبض على الشاب.. الأهالي اتجمهروا واشتبكوا مع الشرطة، الشرطة تراجعت، راح السواق حالف ما هيتحرك إلا لما الشاب ده يتقبض عليه عشان كسر زجاج الباب».
وتابع: «راح السواق موقف المترو وقافل النور وحلف ما يطلع.. وفي وسط الخناقات دي ستات وبنات أغمى عليهم والأطفال كانو في حالة ذعر.. والأهالي نزلوا دخلوله الكابينة عشان يضربوه والتجمهر كان كبير جدا.. الشرطة خافت فتراجعت.. وحصل مشادة بين ظابط وبين السواق وأمره يطلع بالمترو.. راح عاند مع الناس وطالع مفتح الأبواب وطافي الأنوار».
