أحمد زاهر لمهاجمي غادة عبد الرازق: «اتقوا الله»
أبدى الفنان أحمد زاهر تعاطفًا كبيرًا مع الفنانة غادة عبد الرازق بعد أن أقدمت على الاعتذار عن الفيديو الشهير الذي بثته على حسابها على موقع الصور "إنستجرام"، وأظهر جزءًا عاريًا من جسدها .
وكتب "زاهر" عبر صفحته على "فيس بوك": تاجر الفضايح أسوأ من تاجر الموت على الأقل تاجر الموت بيقتل مرة واحدة وخلصت أما تاجر الفضايح بيقتل اللي قدامه ألف مرة كل يوم كل دقيقة كل لحظة حرام اللي بيتاجر بفضائح الناس عقابه عند ربنا كبير أوي الفنانة غادة عبد الرازق غلطت بس من غير قصد واعتذرت واعترفت بغلطتها خلاص بقى كفايه حرام عليكم إيه... هاتدبحوها يعني... فيه إيه ما خلاص بقى".
وتابع "زاهر": "لو كل واحد فيكم يعرف إنه لما يشير فيديو زي ده أو يتريق عليه أو يشمت حسابه عند ربنا عسير من منا بلا أخطاء؟ ربنا يمهل ولا يهمل واللي بيغلط دلوقتي هايجيله اليوم اللي هايتغلط فيه وبعدين الرجالة هما اللي يستروا مش يفضحوا هما دول الرجالة المصريين الجدعان وعلى فكرة أنا وغادة مش أصحاب ولا بنكلم بعض من سنين ومش هانرجع نشتغل مع بعض تاني أبدا عشان اللي ممكن يزايدوا أو يزيطوا بس اللي بيحصل ده مش أخلاقنا وعيب وحرام المسألة عندي مسألة مبدأ اتقوا الله".
