محافظ بني سويف لشباب على مقهى: «السوريون اشتغلوا وإنتوا لسه بتشيشوا»
فاجأ المهندس شريف حبيب، محافظ بني سويف، مجموعة شباب جالسين على مقهى، خلال جولته، أمس الأحد، بمدينة إهناسيا، وقال لأحدهم: «يا ابني روحوا اشتغلوا بدال ما أنتو قاعدين تشيشوا كده، ومتقوليش مفيش شغل، مصر دخلها 500 ألف سوري في الفترة الأخيرة وكلهم اشتغلوا».
وطالب المحافظ، الشباب باستغلال وقته في العمل أو تعلم أي مهنة أو حرفة، مستدلًا بالدول الأوروبية قائلًا: «بره مفيش الكلام ده الشاب من 17 سنة بيعتمد على نفسه وبيشتغل وأنتوا بتاخدوا فلوس من أهليكم علشان تقعدوا على القهوة وتشيشوا، روح اشتغل يا ابني حتى ولو ببلاش».
وتابع المحافظ للشباب المتواجدين على المقهى: «اللي عايز يعمل مشروع المحافظة على استعداد تساعده سواء بدعمه وتمويله أو بتسيير الإجراءات وتوفير مستلزمات الإنتاج للمشروع» مضيفًا: «اتحركوا بس أنتوا يا شباب واشتغلوا وفكروا في مشروع وإحنا هنساعدكم».
يذكر أن محافظ بني سويف، قام بجولة ميدانية موسعة لمركز ومدينة إهناسيا، تفقد خلالها عددًا من المشروعات التنموية، برفقة النائبين علي بدر ومحمد كساب، عضوي مجلس النواب عن الدائرة وعدد من قيادات الأجهزة التنفيذية ومديري الإدارات ورؤساء المصالح.
