ريم بِنَا تنتقد مسلسل «حلاوة الدنيا»: خابت توقعاتي

انتقدت المغنية الفلسطينية الشابة ريم بنا المسلسل الرمضاني "حلاوة الدنيا" مؤكدة أنها شاهدت ٦ حلقات منه لكنه خيب كل توقعاتها خصوصا وأنه يتكلم عن معاناة مرضي السرطان الذي كانت إحدى ضحاياه.

وكتبت ريم عبر حسابها الخاص بموقع التواصل الاجتماعى "فيس بوك"، «بالبداية حبيت أحضر مسلسل "حلاوة الدنيا" لأنو بيحكي عن مرض السرطان واللي أنا مصابة بيه وكنت أتمنى يطلع غير عن أي مسلسل تناول هالحالة بس للأسف بعد مشاهدة 6 حلقات خابت توقعاتي».

وتابعت: «أكيد راح أحضرو على أمل تتغير الأحداث لصالح العمل ويعطونا قوة وانتصارات مقنعة غير مفتعلة، وكمان راح أتابعو عشان في ممثل بحبو كثير بيستحق أدوار بطولة لأنو هو الله خلقو فيو صفات النجم وهو "هاني عادل".. سؤال للمخرجين ولكتّاب القصص الدرامية.. شو المحبب إنو تْصَدرولنا عمل درامي محشو بالشك والخوف وترهيب نفوس الناس من السرطان؟

وأضافت ريم: «إحنا مش خايفين ولا قلقانين.. إنتو ليش متوترين عنا؟ بعدين ليش بمعظم الحلقات بتقولوا " cancer" بالإنجليزي؟ إنو من منطق تخفيف وقْع الكلمة عالمشاهد؟ اسمو سرطااان.. ضروري نقولها.. السرطان مش مرض بيعني "انتهت حياتنا" ولا بالضرورة مرض قاتل أو مستعصي السرطان بحب الخوف والضعفاء.. ليش لتعطونا إلو لقمة سايغة.. بطرح إحساس الخوف بالمسلسل.. ومش بالضرورة "مرض عضال" لأنو صار في ما لا نهاية من العلاجات»..