بهلول المشغول: وحوى يا وحوى.. إياحا

جانا رمضان والعيشة جنان
لا ميكروفون ينقل تراويح
ولا حتى موائد للرحمن
كل دا قال إيه بقى بتصريح
واللى يخالف بيروح في ليمان
صلاح الدين بقا ضلالى
بشهادة يوسف بن زيدان
والأزهر مش عاجب مظهر
ولا عاجب عضو البرلمان
الجامع قافل أبوابه
ممنوع فيه نختم القرآن
اللحمة أغلى من إمبارح
والفرخة غالية علينا كمان
ولا شفنا حالو ياحالو
ولا حتى وحوى يارمضان
بقينا بنخاف مـ الحكومة
تمنع عننا الصوم كمان
رحت يا شعبان قبل ما تيجى
مش باقى لينا غير رمضان
وحوى يا وحوى.. إياحا
عايزين نرجع بقا زى زمان