بالفيديو.. طلاب الأزهر عن «النحو»: «لو معانا برشام مش هنعرف نحله»

أدي طلاب الشهادة الثانوية الأزهرية "القسم الأدبي"، اليوم الثلاثاء، امتحان مادة النحو ضمن امتحانات نهاية العام الدراسى، معربين عن استيائهم من صعوبة الأسئلة.

وقال عمر محمد، طالب بمعهد خاتم المرسلين الأزهري في العمرانية: "الامتحان صعب جدا ولو واحد معاه برشام أصلا مش ها يعرف يحل.. حتى سؤال القطعة ماكنش فيه صح وغلط أو اختيارات يعنى ما فيش حد خد حقه في الامتحان سواء كان مذاكر أو لأ".

وأضاف طالب يدعى أحمد: "المراقب قعد يغير في أماكن اللى قاعدين وضيع ساعة إلا ربع علينا، وكمان الامتحان مايتحلش أساسا ليه ييجى لعلمي إمبارح سهل وييجى لينا النهاردة صعب كده.. والامتحان كان 6 أسئلة ومحتاج وقت كبير جدا".

وأكد يوسف إبراهيم على صعوبة امتحان مادة النحو أيضا، وقال: "ده تالت يوم نمتحن لكن امتحان النهارده صعب جدا والناس مش عارفة تحل خالص"، وأشار إلى أن أسئلة امتحان النحو لقسم العلمي كانت أغلبها تحتوي على الاختيارات وأسئلة الصواب والخطأ، لذلك لم يتوقع طلاب الأدبي أن يخضعوا لامتحان بتلك الصعوبة، وتابع: "كانوا جايبلنا الكتاب كله ومحتاج وقت ومحتاج حد دحيح".

وأوضح أحمد أن الامتحان لم يخرج عما درسوه في الكتاب المدرسي، لكن الأسئلة مطروحة بشكل غير مباشر، مضيفا: "الامتحان صعب أوي".