بالفيديو.. «ناصر» يصنع أرخص فانوس لإدخال البهجة على أحياء إمبابة
يفترش الأرض تحت أحد الاشجار بحي أمبابة، يحيطه "جرايد" النخيل من كل جانب، يقتطع منها ويشكل بيديه فوانيس صغيرة، فريدة، تبهر أعين المارة من دقتها وأسعارها المنخفضة.
"ناصر محمد" شاب في العقد الثالث من عمره قرر أن يستخدم موهبته في تشكل "جريد" النخل بصناعة الفوانيس بأسعار متدنية ليدخل الفرح والسرور على قلب كل من لم يستطع شراء الفوانيس النحاس بعد تضاعف أثمانها هذا العام، وقال:"بقالي 30 سنة بشتغل في جريد النخل من يوم ما عرفت الحرفه دي من ابويا، وانا كان لسه عندى 8 سنين".
مراحل التصنيع
"الجريد، المقياس، قورمة خشب، وساطور"، هي كل أدوات "ناصر" التي يستخدمها لصناعة الفانوس، فيبدأ بتقطيع اعواد الجريد بمقاسات معينة قائلا" انا بجيب الجريد من الفيوم، هناك كل الأطفال بيعلموا الشغل ده وبيعملوا بالجريد كل حاجة ".
وتابع: "الفانوس اللي بعمله مش بياخد مني وقت أكثر من 10 دقايق، كنت بعمله بالطلب، دلوقتي بيقوفوا بالطوابير علشان اعمله وكمان سعره رخيص مقارنة بالفوانيس التانية، إلى الأطفال بيحبوا يزينوا بيها الشوارع الحارات الشعبية ليلة رمضان".
وأضاف:" دخلي دلوقتي من 70 إلى 80 جنيه طبعا تختلف عن زمان دلوقتي المهنه ماتت بس احسن من اني أتسول أو امد أيدي لحد انا اكلها بعرق الجبين.. وأنا احسن بكتير في ناس اتبهدلت بسبب البلاستيك".
عصر الآلات
أشار "ناصر" إلى ضرورة العودة إلى تقدير الأعمال اليدوية بدلا من الآلات، وقال:" نفسي نشغل الحرفي بدل الآلات أيدينا بتصنع منتجات احسن من الآلة اللي خربت بيتنا.. احنا عاوزين شغل بدل ما نتبهدل اكتر من كدا الفيوم كانت اغني المحافظات بسبب جريد النخل النهاردة كل واحد ساب المهنة".
