راندا البحيري: خوفت من كل واحد اتريق على سامو زين
أعلنت الفنانة الشابة راندا البحيري تضامنها مع النجم السوري سامو زين، بعد هجوم أحد المطربين عليه بسبب دور البلطجي الذي قدمه في مسلسله «طعم الحياة».
وكتبت راندا عبر صفحتها الشخصية على موقع التواصل الاجتماعي "فيس بوك" «موضوع رخم أوي وبجد عيب عيب بالذات لما يبقى زميل».
وأضافت: «يعني إيه كل الناس وأغلب اللي شغالين في المهنة فجأة اشتغلوا مُحللين ونقاد وبينقدوا زميلهم المطرب اللي كل غلطته أنه حاول يجتهد ويمثل دور علشان يبسط بيه الناس وكل اللي في الوسط عارفين كويييييس أوي إن المخرج الجامد بيطلع من الممثل أي حاجة هو عايز يطلعها يعني سامو مش غلطان ومش هو اللي اتسبب في خروج المسلسل بالشكل ده».
وتابعت:«أي حد عنده قدرات سامو التمثيلية كان زمانه اتوجه وطلع أحسن ما عنده شكرا لكل اللي اتريق على زميلنا المطرب الممثل بكره تتريقوا عليّ لو حصل لي حاجة خوفت من كل شخص عمل كده بمنتهى الصراحة».
