بالصور.. غضب طلاب «تربية حلوان» لإلقاء مشاريع التخرج على الأرض
تداول عدد من طلاب كلية التربية الفنية جامعة حلوان، على موقع التواصل الاجتماعي "فيس بوك"، صورا لمشاريع تخرج طلاب الفرقة الرابعة وهي ملقاة على الأرض بساحة الكلية.
وعلق أحد الطلاب على الصور قائلًا: "المشهد دا في كلية تربية فنية، دي مشاريع الطلاب بتوع الكلية زي ما انتوا شايفين مرمية في الزبالة، من نحو 8 شهور الإدارة عملت حملة لمقاطعة الكانسون وكنا ذكرنا إن دكاترة الكليات الفنية ضروري يحترموا شغل الطلبة خصوصا بعد زيادة الأسعار حتى لو مستوى الطالب ضعيف فنيا دا ما يديش ليك الحق انك تقطع مشروعه أو ترميه في الزبالة أو تشخبط عليه لأن المشروع دا خد منه مجهود ووقت وفلوس كتير".
وتابع الطالب قائلًا: "هل من المنطقي أن طالب يضيع شهور وساعات من عمره وفلوس عشان ينجز مشاريع تترمى في الزبالة،
بأي حق ومين مسئول عن اللي بيحصل دا طب مين المستفيد، يعني هل مثلا فيه دراسة علمية بتقول إن مستوى الطلاب هيتحسن لما نقطع شغلهم ومشاريعهم ونرميها في الزبالة، هل فيه أي فايدة من اللي بيحصل دا غير إن مشاريع الطلاب هتتباع بتراب الفلوس كنفايات يعاد تصنيعها من جديد".
