«ريشة » قصيدة لـ «عزة عطا الله»

هي هي نفس الريشة
بنفس هواها
نفس الحلم اللى تمنيته
يعيش جواها
..
كام سنة عدت عِدوا معاها
طارت فوق أو نزلت تانى
قال أهى طايرة لدنيا عجيبة
أيوة غريبة العمر ثوانى
حب كان أكتر م الجرح
قد البحر الملح أمانى
..
هي الريشة بلونها الأبيض
أو ألوان الطيف الدنيا
لو ع الأرض الورد أن فتح
تفرح قلبها دق لثانية
تبكى وتضحك تسكت ساعة
تكتب ترسم زمن الباعة
وعند ما هو بيركب قطر ويجرى
هي وشنطة هنا في محطات تانية
..
هي هي نفس الريشة
بنفس هواها
نفس الحلم اللى تمنيته
يعيش جواها