سخرية إلكترونية من ترشح منى برنس للرئاسة.. هاجر: هتدي تعليمات للوزراء على نغمة والله ولعبت يا زهر.. مديحة: خطاباتها على مزمار «عبسلام».. أحمد: شعارها مصر على واحدة ونص.. لولو: «هتدلعوا

سخر نشطاء مواقع التواصل الاجتماعي، من إعلان الدكتورة منى برنس، أستاذ اللغة الإنجليزية بكلية الآداب جامعة السويس، والمعروفة إعلاميا بصاحبة فيديو الرقص، ترشيح نفسها لرئاسة الجمهورية في انتخابات 2018.

ترشح منى برنس
وكانت "الدكتورة الراقصة" قالت في تدوينة لها على فيس بوك: "ولأني شخص مرح بطبعي وبحب الحياة.. فهبقى ريسة دمي خفيف وهدلع الشعب من باب.. لاقيني ولا تغديني.. أنا واضحة".

وأثار إعلان منى البرنس الجدل بين نشطاء التواصل الاجتماعي، مشيرين إلى أنها ستعطي تعليماتها للوزراء على نغمة "والله ولعبت يا زهر"، وستكون خطاباتها على نغمة مزمار "عبسلام".

سلمتك يا دماغي
قالت هاجر أسامة: "أهى بدأت تندع مرشحين رياسة من اللى بيحبوهم.. الدكتورة اللى هترقص الكل منى برنس.. حلو كدا منتهى النشاط والحيوية.. يا عينى على الصبر.. ودى تقابل رؤساء العالم ازاي.. طب هتدى تعليمات لوزير الدفاع والداخلية على موسيقى والله ولعبت يا زهر مثلا.. ولا عم يا صياد.. سلمتك يا دماغى".

وأضافت مديحة كمال: "هاتطلع في الخطابات بمزمار عبسلام وترقصلنا وتفرفشنا كدا.. بدال ما نعيط".

وعلق تامر سرحان سعيد: "مينفعش يا دكتورة لأن من الشروط الواجب توافرها في أي رئيس يمسك مصر أنه ما يرقصش للشعب"، ورد أحمد ماركو "وتجيبي كام طبال على كام زمار يمسكو الحملة الانتخابية وشعار الحملة هيبقي مصر على واحدة ونص".

وتابع سعيد من الإسكندرية: "محتمل انها تكون ذكية جدا، وبتستخدم نظرية الصدمة!!! ده احنا حنضحك ضحك في الانتخابات دي ضحك للركب".

رئيسة عربة فول
وقال محمد سليم: "لاقينى ولا تغدينى!!! دى كده رئيسة عربية فول حضرتك"، وسخر محمد بن كمال: "ودى هيكون رمزها الانتخابي ايه الطبلة ولا الصاج"، وأضافت مني دي أنا: "ومالووو حبيبتي مش عيب بردو دا احنا هانشوف أيام سودة"، وعلقت فاطمة سعيد: "والناس هتنتخبك ببطاقة الترشيح ولا تنقطك بالفلوس؟؟"، وردت دودي دودي: "ربنا يهديكي انتي مريضة... ومحتاجة علاج"، وتابع أبو يوسف رمضان سويدان: "البلد محتاجة رئيس عنده ليونة".

نبخر البلد
وقال أحمد عبد العليم آل على: "وماله؟ حقها الدستوري بس المشكلة في برنامجها الانتخابي هل ستستعرض مع المواطن هذا البرنامج على الواحدة ولا الواحدة ونص"، وسخر طلعت أحمد "يعني سما المصري تعمل برنامج ديني في رمضان وحضرتك تترشحي للرئاسة كده يبقي لازم نبخر البلد"، وأضاف هاني تواضروس: "كده هربت منك خالص يا دكتورة".

أما كرم هارون فقال: "لو كدة ماشي يمكن ينسونا الهم وبلمرة تفرفشنا"، ورد محمد عبد ربه: "خشي برجلك اليمين يا طاهرة"، وتابع خالد بيك: "سمعنا النشيد الوطني اللي هو مزمار عبدالسلام".

كفاية
وقال أبو عبد الرحمن "الله يكرمك كفاية حرام"، وأضافت لولو حسني: "أيوة بقا... هتدلعوا يا مصرييين يا غلابة..."، وعلق سلامة عبد الحميد: "بمناسبة ترشح منى برنس مجددا للرئاسة... ناس كتير مش عارفة إن حملة ترشيح هياتم في 2012 كانت المنافس الوحيد لحملة.. حازم أبو إسماعيل"، ورد كاريكا زوما: "يبدو انها مصابه بجنون الشهره"، وسخر إيهاب المغاوري: "شعار المرحلة القادمة طبلة لكل مواطن".

وكتب عصام حمدان: "إذا كان على الدلع انا عاوز صافيناز رئيسه للجمهورية وغزل رئيسة وزارة"، وأضاف درش ست: "إنما للرقص حدود... فاكر سعد الصغير لما ترشح وصافيناز وبياع السمك وبتاعة الكتاكيت بقينا ملطشة واضحوكة البلاد ربنا يعديها على خير".