بالصور.. سيدة تلجأ لـ«فيس بوك» لإنقاذ زوجها من الموت

تداول نشطاء مواقع التواصل الاجتماعي، حكاية سيدة تطلب علاج زوجها، الذي يبلغ من العمر 37 عامًا، من حالة نزيف في المخ وفشل كلوي، حيث دخل الزوج في مرحلة غيبوبة، ويتطلب الأمر مستشفى وأطباء متخصصين.

كل ما سبق دفع السيدة لصفحة على "فيس بوك" تسمى قوة وسائل التواصل الاجتماعي "The Power Of Social Media" للتوصل لأي مسئول لإنقاذ زوجها من الموت.

البداية سردتها السيدة لصفحة "The Power Of Social Media" فقالت: "دا جوزي مليش ف الدنيا غيره بعد ربنا سبحانه وتعالى ولا أهل ولا شغل ولا أي حاجة دلوقتي".

واستطردت السيدة قائلة: "جوزي شاب 37 سنة كافح وشقي وتعب بس حصله مشكلات في شغله وعربيته اتسرقت وتقريبا بعنا اللي ورانا واللي قدامنا لحد ما ضغطه على وجاله نزيف في المخ وفشل كلوي وحاجات تانيه كتيير مضاعفات".

وأضافت: "كل دا فجأة أقسم بالله ما كان عنده حاجة خالص أنا كل طلبي أن يلاقي مكان محترم يستوعب خطورة حالته حد مسئول يدخله مستشفى كبيره بيكون فيها اهتمام وعلاج حد قلبه رحيم يتبني علاجه، أنا دخلته مستشفى خاصة وللأسف خلاص مش قادرة على مصاريفها ومحتاجة أي حد يساعدني، دعواتكم بالله عليكم يقوم بالسلامة علشان خاطر ولاده".