بالفيديو.. حبيبة مذيعة «نفسنة»: طارق نور مختارنيش علشان أنا قريبته

تحدثت حبيبة بسيوني، مقدمة برنامج نفسنة، عن سبب انسحابها من البرنامج، وحقيقة خلافاتها مع زميلاتها، مقدمات البرنامج، جاء ذلك خلال لقائها ببرنامج "معكم"، مع الإعلامية منى الشاذلي.

وقالت، إنها لم تدخل في مشكلات أو خناقات مع زميلاتها، ولم تفتعل أي مشكلات، موضحة أنها قررت الانسحاب من البرنامج، بعد أن تلقت عرضا مميزا، لتشارك في حفلات الأوسكار، مضيفة: «قررت أسيب البرنامج لما جالي برنامج، بياخد الواحد في كل المهرجانات والحفلات العالمية، وبيديني فرصة إني أقعد مع شخصيات عالمية، وده كان حلمي طول حياتي، وهو ده اللى خلاني أسيب "نفسنة"».

وحول انسحابها من إحدى الحلقات على الهواء، قالت: إن التصوير كان يستمر لساعات طويلة، والبرنامج كان مرهقا، ويضع المذيع تحت ضغط، مضيفة: «الضغط كان بيخلي الواحد تعبان، ويمكن رد فعله يكون سريع، لكن عمري ما خدت الموضوع بشكل شخصي، البرنامج صعب فعلًا في تصويره وفكرته وتنفيذه، وعارفه إن الناس عايزة تصدق إنه كان فيه خناقات، ومشكلات في الكواليس، بس أنا مكانش عندي أي حاجة ضد أي واحدة من المذيعات، ولما مشيت لقيت نفسي في برنامجي الجديد».

وأكدت أن طارق نور، مالك قناة «القاهرة والناس»، اختارها للبرنامج؛ بسبب اختلافها عن باقي المذيعات في التفكير والأسلوب عامةً، مضيفة: «اختلافي خلى طارق نور يختارني مش علشان أنا قريبته، علشان فيه اختلاف بينا، ولما بنتكلم على مواضيع مختلفة كان رأيي بيختلف عنهم، وهو ده الواقع، إنه فيه اختلاف».