صاحبة فيديو الرقص: «هاخد كل الخطوات القانونية في الصور»
قالت الدكتورة منى برنس، الأستاذة بكلية الآداب قسم اللغة الإنجليزية، جامعة السويس، المحالة للتحقيق، بسبب فيديو الرقص على «فيس بوك»، إنها لن تلتفت أو تعلق على من يقومون بتوجيه تعليقات سيئة لها على حسابها، مؤكدة أنها ستتخذ كل الإجراءات القانونية المتبعة الخاصة بموضوع الصور والفيديو.
وقالت مني البرنس في تدوينة على فيس بوك: «مش من عادتي أبدأ اليوم بالكلام، واللي يعرفوني عن قرب عارفين إني حد بيحب العزلة إلى حد ما، وبيحب يركز في شغله إن كان كتابة أو ترجمة أو تدريس.. بس بسبب الهيصة اللي اتعملت دي، مضطرة أبقى تحت الضوء بالشكل ده ليومين تلاتة».
وذكرت: «أنا بشكر كل شخص كتب كلمة حلوة في حقي، ومش زعلانة أبدا من وجهات النظر المختلفة عن وجهة نظري.. أما الناس اللي بتشتم فدول هعملهم بلوك تباعا كل ما يقع تحت إيدي تعليق قذر بيدل على شخصياتهم، أنا مش هقدر أرد وأعلق على كل كل شخص بصراحة لأن كتير أوي، بس حقيقي بشكر كل الناس المتضامنة معايا».
وتابعت: «مشروعي القادم، زي ما كتبت قبل كده هو ترجمة رواية إليس ووكر، اللون القرمزي.. حلم عمر بالنسبة لي.. وهبتدي آخد الخطوات لتحقيق الحلم ده.. في نفس الوقت هاخد كل الخطوات القانونية المتبعة الخاصة بموضوع الصور والفيديو.. الجامعة.. ربنا معاكو».
