رنا سماحة تكشف سر أزمتها النفسية لجمهورها
أثارت الفنانة الشابة رنا سماحة فضول جمهورها ومتابعيها، عبر حسابها على موقع الصور والفيديوهات الشهير "إنستجرام"، بعد أن نشرت صورة لها تبدو عليها ملامح الحزن والصدمة.
وقالت «رنا»، تعليقًا على صورتها: «معنديش مبدأ الانتقام، مبعرفش اعمله، ولا بحبه؛ لأني مؤمنه تمامًا إن لو ليك حق عند حد، ربنا هيجيبهولك وهيريح قلبك، ويوريك بعينيك، اكتفي بتفويض أمرك لله فهو نعم الحاكم والوكيل».
أضافت: «عشان وجود الناس مهم في حياتي، وبيفرق معايا جدًا، شايفة إن أكبر عقاب لشخص كان قريب مني في يوم، إنه ما يكونش موجود».
وتابعت: «معنديش كمان مبدأ الشماتة، بس مش بقدر أمنع إحساسي بالراحه لما اللي أذاني يتئذي، ما هو أصل أنا بني آدم عادي، يعني مازلت عندي مشكلة في معرفة البشر، وشايفة إنها مشكلة أبدية، مهما فكرت نفسك مفيش منك، وبتعرف في الناس، فأحب أقولك إنك كفتة؛ لأن البني آدمين بحر من الغموض، مهما كانوا واضحين، ولازم يكون في حاجة ما يعرفهاش عنهم إلا الخالق».
وأضافت: «بقى عندي كمان أزمة ثقه للأسف بثق غلط ومابثقش غلط برضو بس بكتفي بدعاء ربنا أنه ينور بصيرتي دايمًا عايشه بنيتي وسايباها لربنا وعندي كل الثقه في حكمه، وإنه ما بيكتبلناش إلا الخير».
وأثارت رنا قلق كثيرين من جمهورها ومتابعيها، وتمنوا لها زوال الحزن والهم، وتساءولوا عن سر حزنها وصدمتها في الكثيرين من المقربين منها في كثير من الأوقات.
