بوسي في «قعدة رجالة»: ربنا يكفيكوا شر «كيد النساء» وانتقام الست صعب

قالت المطربة الشعبية بوسى خلال برنامج "قعدة رجالة"، المذاع على قناة dmc: إن المرأة لا تترك حقها، وستظل تذكر الألم الذي تسبب فيه الرجل، خصوصا لو كانت تحبه بشكل حقيقى، وذلك خلال مناقشة موضوع الحلقة، الذي حمل عنوان "أسلوب الانفصال".

وأوضحت بوسى: "الست مهما تنفصل عن الراجل تحب أن تكون العلاقة بينهما بعد الانفصال محترمة، يعنى مش ينفع تشوفه في الشارع ومتسلمش عليه، الست بتحبي تنهى العلاقة من غير مشكلات".

وتابعت: "ليه الراجل يدى الحق لنفسه أنه ينهى العلاقة مع المرأة، زى ما الراجل ليه الحق يجرح المرأة هي كمان ليها الحق تجرحه وتنهي العلاقة معاه الأول".

واستطردت: "ربنا يكفيك شر كيد الستات، والست لم بتحط راجل في دماغها مش هتسيبه أبدا، وانتقام الست صعب، وهتطلع منه القديم والجديد، عشان كده لازم تخاف من الستات، والست لو اتجرحت من حد حبته مش هتسكت وهتحط الراجل في دماغها، وهتنهى حياته وهتقضى عليه".

برنامج "قعدة رجالة"، يشارك في تقديمه نجوم العرب الثلاثة الأردنى إياد نصار، المصرى شريف سلامة، السورى مكسيم خليل، ويذاع على فضائية dmc.