كان نفسي يا أمي أشوفك

كان نِفسِى يا أُمى إنى أشوفك
أو حتى فـ يُوم أوعَى عليكى
وافَّتح عينى أنطق ( ماما )
وأوطى واحِب على إيديكى..
أنا كُل أما أسأل عنك حد
ويجيبوا في سِيرتِك اُدامى
بتأثر دايمًا بــ كلامهُم
فبشوفك دايمًا في منامي..

طب عارفة
الضحكة اللى فــ صورك
بلاقيها في صورى عشان شبهك..
وبيحكوا كتير عن شخصيتك
بيقولوا أن انتى مفيش زيك !!

- وابويا حكالى عن الحكايات
عن قصة حبكم وسنينكم
محفورة في قلبه صور وحاجات
وكتير جوابات كانت بينكم..

أما أنا..
بدعيلِك فـ صلاتى..
وبحسك دايمًا في حياتى
ارتاحى يا أمى أكيد شايفة
مهتم أنا جدًا بــ إخواتى..

وبغمض عينى بَشُوف طيفك
طب عارفة..
أنا صورك بعشقها..
كان نفسى بجد إنى أشوفك
آاااه يا كلمة ما بعرفش أنطقها..

ببعتلك دايمًا جواباتى
أنا شايفِك عايشة وفـ الجنة
ادعيلى الدُنيا معاندانى
وهاجيلك زى مابتمنى..

#كان_نفسى_أشوفك_يا_أمى.. 💔
مصطفى الرومانتي