نشطاء يسخرون من «تجنيد البنات».. محمود: «هيحطوا صن بلوك ومانكير في الرماية».. مصطفى: «ممكن إجازة عشان خاطري».. علاء: «لو بيحبك بجد هيستناكي لما تخلصي جيش».. وعث
تفاعل نشطاء موقعي التواصل الاجتماعي «فيس بوك وتويتر»، مع هاشتاج «تجنيد البنات»، للسخرية من شائعة تجنيد الفتيات في الجيش، التي انتشرت على صفحات مواقع التواصل الاجتماعي، بالرغم من توضيح غادة والي وزيرة التضامن الاجتماعي أن قرار تجنيد البنات في الخدمة العامة وليس الجيش.
وقد تصدر هاشتاج «تجنيد البنات» تراند مصر على تويتر، حيث انطلقت معه تعليقات المتهكمين على الشائعة.
بكلم الكراش
قال محمود الشريف:«تجنيد البنات.. عسكري رانيا اتاخرتي ليه على الطابور.. سوري كنت بكلم الكراش على الواتس يا فندم.. هيحطوا صن بلوك وموف ومانكير ولانسيز في الرماية يا فندم».
وأضاف مصطفى حمزة:« يا فندم ممكن إجازة.. =لا.. طيب وعشان خاطري»، وعلق عامر الديب:«عسكري سارة !.. = أيوه يا بيبى.. -طب دى أديها أوامر ولا حضن»، ورد علاء كاستون:«لو بيحبك بجد هيستناكي لما تخلصي جيش».
وتابع عثمان المذبهل: «كله على الله احنا بنجتهد وبنفكر ازاى هتحلقوا ميرى».
رفد طبي
وقال ابن سفير النوبة: «طيب خلينا متفقين ان نص بنات مصر هتاخد رفد طبي جراحة وهيتصلوا بأبوهم يجي يستلمهم من التجنيد»، وأضافت سهام النمر:«-مالك يا عسكري فولانة؟.. =مليش يا فندم ما أنت لو مهتم كنت عرفت لوحدك».
وعلق أحمد كابو:«عسكري ندي، أرمي اللبانة إللي في بوقك وأقفي عدل!.. -لو مش عجبك روّحني»، ورد محمد البمبي:«طبعا لو بنت وحيده تاخد إعفاء»، وتابع مجدي اليمني: «على بركة الله خلينا نستريح من قرفهم شوية».
آي لاينر
وقال أنس محمد:«الآي لاينر لايزال في جيبي»، وأضافت خلود أسامة: «مالك يا عسكري خلوود!؟؟.. =لا مهو يا فندم أنا مش هلبس نفس الطقم اللي سارة لبساه لو حصل إيه»، وعلق رفعت: «عسكري سارة طبعًا مش هيعرف يحارب في الشمس عشان الآي لاينر ما يسحش».
ورد أحمد باشا سعد حمد: «الحكومة عاوزة تجند البنات إجبارى.. كده أبلغ عنك بقا وأنا ضميرى مرتاح.. يلا أهى تبقا الحكومة نفعتنا بحاجة»، وسخر على جيمي: «إسرائيل نشرت كتيبة بنات على الحدود المصرية وسمتهم (قطط الصحراء) إحنا بقا نبعتلهم البنات الغفر بتوعنا ونوريهم (ذئاب الجبل)».
وتابع بدير:«خناقة على أقلام الكحل في عنبر ٦ يا فندم»، وقالت زهرة بيسان: «تجنيد البنات موافقة بس بشرط يكون في مكان على بحر وميكونش فيه صراصير ولا فئران ويكون لينا يوم في الأسبوع أوبن داي».
