افرض جدلاً !!
![فيتو](images/no.jpg)
افرض جدلا إنك راجع من شغلك مكمل نومك فى المترو، وبعد ما نزلت هما 10 متر وتلاقى اتنين من اللى أشكالهم أستغفر الله العظيم،اللهم احفظنا.. قربوا منك قوى، واحد منهم شبه مغيب، والتانى صوته محشرج بيقولك؛ والنبى ياعم هات اللى فى جيبك من غير صداع وشوشرة، تبص يمين وشمال، وتحس إن الدنيا كلها أنت وهما.. تحاول الاستنجاد لكن مفيش أمل، وفجأة يمر راجل كبير فى السن تعرفه أنك فى ورطة، والشباب قاموا بنفس الواجب معاه، هو همس لك بهدوء؛ ليه لا تدفع وتشترى نفسك وتشترينى.. أبو صوت محشرج ونص حروفه ضايعة، يقول فيه حاجة ياعم الحاج أنت وهو؟. اعتبرونا عيالكم وبتدونا المصروف، لا هوعيب ولا حرام.. وتلاقى الراجل الكبير طلع كل اللى فى جيبه واستأذن فى إنه يمشى وياخد جنيه يروح بيه.. وأبو صوت محشرج يقولك وأنت ياعم شوفت الراجل الكبير عمل إيه زى ما عمل اعمل.. وتلاقى المغيب يقولك أنت هتبوظ السهرة علينا ولا إيه، وأنت كل اللى معاك 45 جنيه ونص،
ومطلوب تاخد عشا للعيال ولبن وكيلو فاكهة، لو أنت مكانى تعمل إيه؟!!.