محمد عبد المحسن يكتب: السكر والزيت

حرام عليكم ياناس ** مش لاقي سكر ولا زيت
بطلت أشرب شاي **والسكر اختفي من البيت
وبطاقة التموين **خلاص لا فيها سكر ولا زيت
بازرع قصب وبنجر**وياريتني لا رحت ولا جيت
فلاح ومزارع أنا**ومش لاقى سكر ولا زيت
العدس والفول والأرز ** هما عمار البيت
الغلبان والفقير حزين وبيلالي ** وانت لجيبي ومصاريفي صليت
المواصلات زادت ** وأنا لا رحت ولا جيت
زيادة في الأسعار وتلاعب ** وقلة ضمير في الشارع والبيت
الأسعار بقيت نار **وأنا من غلبي غنيت
راسي خلاص هتنفجر **علشان تموين البيت