مبروك عطية: تخويف المسلم حرام شرعا
أكد الدكتور مبروك عطية الداعية الإسلامى أن العالم الآن يرى الدنيا مؤامرات مخططة، لأنه لم يراها بعين النبى صل الله عليه وسلم.
وقال: " النبى لما كان حد بيطلب منه شعير كان بيديله، مش يقول منين أجيب لك شعير أنا روحت أجيب شعير حبسوني وحبسوه، زى اليومين دول".
وأضاف عطية، خلال احتفالية كلية دار العلوم بجامعة القاهرة بالمولد النبوى الشريف اليوم الأحد، أن تخويف المسلم للمسلم حرام شرعا سواء كان على سبيل الدعابة أو الجد.
وقال: اللى يخبى الموبايل بتاع زميله وهو بيهزر حرام شرعا"، موضحا أن الرسول صلى الله عليه وسلم، كان يعامل من يسيء إليه بالحسنى وتعويضه ماديا ومعنويا.
وأكد أن هناك بعض الأدعية والأقوال المسيئة لله نقولها يوميا، من بينها "اسعى يا عبد وأنا أسعى معاك، ربنا مش ساعى معاك هتخشوا النار بالحاجات دى"، مشيرا: " الناس بتبعتلى تقول هنهدى الرسول مليون صلاة، رسول مين اللى تهتديله ده انتوا هتخشوا النار بالكلام ده".
أضاف: "يجب أن نهدي النبي ما يرضيه وهو عمل الخير مثل إطعام المساكين.. مش تقول لي مليون صلاة ".
